Претседателот на САД, Доналд Трамп, изјави дека мора да учествува во изборот на новиот врховен лидер на Иран откако претходниот, Али Хамнеи, беше убиен во нападите на САД и Израел.
Изјавите на иранските претставници укажуваат дека се приближува објавувањето на наследникот на Хамнеи, а неговиот син Моџтаба Хамнеи се смета за главен кандидат.
Коментирајќи ги ваквите движења во земјата во интервју за Аксиос, Трамп рече: „Тие го губат времето. Синот на Хамнеи е слабак.“ Тој додава дека мора да биде вклучен во процесот како што бил со Делси Родригез во Венецуела. Трамп додаде и дека нема намера да прифати нов ирански лидер кој би ја продолжил политиката на Али Хамнеи, бидејќи, како што рече, тоа би ги принудило САД повторно да војуваат „за неколку години“.
