Хаос во Техеран по убиството на Али Хамнеи. Ситуацијата на Блискиот Исток е на работ на целосна војна по потврдата дека иранскиот врховен водач, Ајатолахот Али Хамнеи, кој бил убиен во заеднички воени напади на САД и Израел.
Израелските одбранбени сили утрово извршија нов бран воздушни напади врз главниот град Техеран. Сведоци известуваат за силни експлозии и чад над градот, додека израелскиот премиер Бенјамин Нетанјаху вети дека нападите ќе се интензивираат во наредните денови.
Иранските сили одговорија со лансирање стотици ракети и беспилотни летала кон Израел и американските бази во регионот. Пријавени се жртви меѓу американските војници (најмалку тројца загинати) и цивилни жртви во израелскиот град Беит Шемеш.
По смртта на Хамнеи, формиран е привремен лидерски совет кој ќе управува со земјата до изборот на нов врховен водач. Висок ирански функционер изјави дека Техеран во моментов одбива какви било преговори со Вашингтон. Аналитичарите сметаат дека убиството на врховниот лидер на Иран го блокира патот за преговори САД-Иран.
- САД и Израел дрско го извршија атентатот. Според мене, ова е очигледно кршење на меѓународното право и меѓународните односи. Од Втората светска војна, таков феномен веројатно не се случува многу често. Тоа е, големите сили директно го погубуваат лидерот на една земја. Иран може да одговори пожестоко. Всушност, пред почетокот на војната, Иран можеби веќе се подготвил за тоа што да прави по атентатот врз Али Хамнеи. Од перспектива на Иран, објективно кажано, тоа дополнително го зајакна националниот идентитет на Иран. Покрај тоа, шиитството во Иран не е само религиозно верување, туку и социјална мрежа со силна контрола и влијание. А Али Хамнеи, како лидер на шиитското движење, не само што има голем број следбеници во Иран, туку и во Ирак, особено во јужниот дел на Ирак. Ова може дополнително да доведе до реакција на шиитското движење на Блискиот Исток. Во моментов, САД и Иран веќе не може да седне на преговарачката маса. Патот за преговори за двете страни е целосно блокиран, изјави аналитичарот Јан Веи.
Сирени се слушнаа и во Тел Авив и Ерусалим
Сирени се слушнаа во Тел Авив и Ерусалим откако Иран возврати со ракети и напади со беспилотни летала врз Израел и други земји од Персискиот Залив по нападите на САД и Израел.
Додека Иран ги нападна американските бази во Бахреин и Обединетите Арапски Емирати, нападите погодија и надвор од воените инсталации, вклучувајќи хотел во емиратскиот град Дубаи и меѓународниот аеродром во Кувајт. Најмалку четири луѓе се убиени во нападите врз земјите од Персискиот Залив.. Смртоносен ирански ракетен напад уништи неколку блока во централниот израелски град Беит Шемеш.
Ракетата удри во синагога каде што жителите се засолнуваа во неделата, при што загинаа најмалку девет лица.