Иранската Револуционерна гарда тврди дека го нападнала американскиот носач на авиони УСС „Абрахам Линколн“ со четири балистички ракети. Иранците не откриваат повеќе детали во соопштението.
Американската морнарица се уште не го потврдила нападот.
„Абрахам Линколн“ е петтиот американски носач на авиони од класата „Нимиц“, на кого исто така се распоредени и Ф-35 авиони, невидливи за непријателските радари.
Американските носачи никогаш не пловат сами и се секогаш дел од борбена група која вклучува најмалку три разурнувачи и една подморница.
Последната позната локација на американскиот носач е во близина на Бахреин, во Персискиот залив, според сателитските снимки од 18 фебруари.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.