Генералниот секретар на Обединетите нации, Антонио Гутереш, ги осуди американско-израелските воздушни напади врз Иран и повика на итно враќање на преговорите за да се спречи поширок конфликт.
На вонредната седница на Совет за безбедност на ОН, тој предупреди дека ескалацијата може да има сериозни последици врз цивилите и регионалната стабилност.
Гутереш оцени дека нападите го прекршуваат меѓународното право и Повелбата на ОН, но ги осуди и иранските одмазднички акции поради нарушување на суверенитетот на повеќе земји во регионот.
Израелскиот амбасадор во ОН, Дени Данон, ги бранеше нападите како неопходни за спречување на „егзистенцијална закана“, додека иранскиот амбасадор Амир Саид Иравани изјави дека во нападите биле убиени и повредени стотици цивили и ги нарече воено злосторство и злосторство против човештвото.
Советот заседаваше на последниот ден од претседавањето на Обединетото Кралство, по што ротирачкото претседателство го преземаат Соединетите Американски Држави за месец март.