Цените на основните производи во Македонија продолжуваат да растат, а минималната плата останува на 397 евра до март 2026 година.
Според Сојузот на синдикатите на Македонија, оваа плата не овозможува пристоен живот, бидејќи за семејство во изнајмен стан се потребни над 80.000 денари месечно.
Синдикатите предупредуваат дека сегашната политика е неодржлива и бараат итно зголемување на минималната плата, како и корекција на платите во јавниот сектор.
Анкетата на ССМ покажува дека над 99 отсто од работниците сметаат дека платата мора да се зголеми веднаш, а повеќе од половина се подготвени за протести и генерален штрајк… Претседателот на ССМ, Слободан Трендафилов, нагласува дека работниците ја создаваат профитабилноста на компаниите и дека тврдењата на дел од работодавачите за неможност за зголемување на платите се неосновани.
Меѓувреме, соседните земји најавуваат значителни зголемувања на минималните плати, додека во Македонија функционерските плати бележат раст од 79 проценти. Нотираат од ССМ. Трендафилов предупредува дека доколку Владата не реагира, ССМ е подготвен да организира 24-часовен генерален штрајк низ целата земја за заштита на работничките права.
