САД привремено ја суспендираа обработката на сите имиграциски барања од Авганистанци, откако авганистански државјанин беше идентификуван како осомничен за пукањето во кое двајца припадници на Националната гарда беа критично повредени близу Белата куќа.
Одлуката е донесена додека трае прегледот на „безбедносните протоколи“ на имиграциските програми… Осомничениот, кој пристигнал во САД од Авганистан во септември 2021 година, имал одобрено азилско барање во 2024 година.
Претседателот Доналд Трамп го опиша нападот како „терористички акт“ и најави дека ќе се преземат мерки против странци кои „не припаѓаат во земјата“. Пукањето се случи вчера попладне, додека припадниците на Националната гарда биле на редовна патрола.
Осомничениот бил задржан до пристигнувањето на полицијата, а бил и ранет при апсењето. По инцидентот, Трамп најави повторно разгледување на сите авганистански имигранти кои пристигнале во САД под администрацијата на Бајден.
T.Д.