Неколку дронови повторно се забележани во последните часови над Белгија. Најголем број пријави доаѓаат од Флорене, а дронови биле забележани и над аеродромите во Брисел и Лиеж, каде што поради безбедност во неколку наврати во прекин беше воздушниот сообраќај.
Покрај аеродромите, дронови биле забележани и во Либин, во близина на „Еуро Спејс“ Центарот. Засега нема информации за тоа дали тие претставуваат закана или се дел од организирани активности.
Властите во Белгија ги следат случувањата и апелираат до граѓаните да не се приближуваат до летачките објекти и да пријавуваат секакви сомнителни активности.
Нагласуваат дека воздушниот сообраќај ќе продолжи да се регулира според потребата за безбедност.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.