Во Скопје вечерва се доделија наградите на Европската Унија (ЕУ) за истражувачко новинарство за 2025 година, што ги организира Самостојниот синдикат на новинари и медиумски работници (ССНМ). Амбасадорот на ЕУ, Михалис Рокас ја истакна посветеноста на Унијата во поддршката на независното новинарство и слободата на медиумите.
Првата награда годинава ја добија Александар Димитриевски и Михаил Милошевски од „360 степени“ за сторијата „По трагите на Јулија“.
Втората награда им припадна на тимот на Истражувачка репортерска лабораторија (ИРЛ), предводен од Сашка Цветковска за документарецот „Украдени животи“, а третото место припадна на тимот на КОД на ТВ Телма на Снежана Лупевска Созен и Срѓан Стојанчов за серијата истражувања „Досие Крмзов“.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.