Доминација на една идеја врз друга, повеќе се работи за идеолошка битка, односно идеолошко постоење на една опција и идеолошка испразнетост на еден друг политички простор, е оценката на универзитетскиот професор Ненад Марковиќ за распределбата на гласовите на локалните избори изнесена во вечерашната дебата во „Вин-Вин“ на ТВ Телма.
„Притоа тој втор политички простор кој не припаѓа на оваа демохристијанска десница е дополнително фрагментиран меѓу два или три различни ентитети кои воопшто не дуваат во ист рог. Или многу се слабо синхронизирани“, вели Марковиќ.
На ова, продолжи тој, се додава и моментот дека се создаде атмосфера дека е крајно непристојно опозицијата на релација ДУИ – СДСМ – Левица соработува на било кој начин.
„И со самото тоа да придонесе другиот помонолитен блок, кој нема никаков предизвик во овој момент, да направи еден ваков „џандар збира“, односно апсолутно да победи на сите фронтови“, вели Марковиќ.
С.Д.