Ќелијата нема да ми го скрши духот, порача поранешниот кошаркар и српски репрезентативец на Србија и граѓански активист, Владимир Штимац кој е пуштен да се брани од слобода, откако беше уапсен во неделата вечерта пред зградата на РТС за време на мирниот граѓански протест во главниот град на Србија.
„Јас пораснав со моите родители во 18 квадратни метри на Карабурма, па тој мора да го знае тоа. И тоа не е нешто што ќе ми го скрши духот. Она што ќе продолжам да го барам е повеќе луѓе, да побарам избори и тие да станат минато, како што треба да биде“, истакна тој.
Според соопштението на српското Министерство за внатрешни работи, биле приведени вкупно 37 лица осомничени за нарушување на јавниот ред и мир и предизвикување инциденти пред Парламентот во Белград. Српските медиуми објавија дека приведувањето на Штимац било по наредба на Вишото јавно обвинителство во Белград, поради наводно повикување на насилство во текот на денот пред Парламентот.
Вишото јавно обвинителство во Белград издаде соопштение во врска со апсењето на Владимир Штимац.
„По наредба на Вишото јавно обвинителство во Белград, припадници на Управата за криминалистичка полиција го уапсија В.Ш. поради постоење основи на сомнение дека на 2 ноември 2025 година, во попладневните и вечерните часови на плоштадот „Никола Пашиќ“, во непосредна близина на Народното собрание на Република Србија, тој повикал на насилна промена на уставниот поредок и ги поттикнал учесниците на нерегистриран собир да ги нападнат учесниците на друг регистриран собир, кој се одржал во паркот Пионир, потоа врз полицајци, како и за насилно соборување на носителите на највисоките државни функции“, се наведува во соопштението на Вишото јавно обвинителство во Белград.