Фудбалскиот клуб Вардар почнува со засилувања за пролетниот дел од сезоната. Нов играч на најтрофејниот македонски колектив е словачкиот интернационалец Михал Пинтер.
Се работи за 30-годишен централен дефанзивец, кој досега настапуваше за градскиот ривал Шкупи. Пинтер има одиграно 42 натпревари во Првата македонска фудбалска лига во редовите на чаирчани.
Во Словачка има играно за Злате Моравце и Татран, а изминатата полусезона настапи на 11 натпревари за Шкупи и забележа две асистенции.
Пинтер е првото зимско засилување за Вардар, кој се очекува да направи голема реконструкција во ростерот со оглед на очајните резултати во есенскиот дел по кој тимот е на претпоследната позиција на табелата со само 13 бодови. Овој преоден рок ќе биде прв под раководство на новиот сопственик Атила Жалили.
