Фудбалерите на Работнички ја совладаа Беса со 4:1 и ја прекинаа низата од четири натпревари без победа.
Со овие три бода Работнички се врати при врвот на табелата со два бода помалку од водечките Гостивар и Силекс.
На арената Тодор Проески поведоа гостите со голот на Октај Ракипи во 22-та минута. Пет минути подоцна Рашид Садик израмни на 1:1.
Домаќинот до триумфот стигна во второто полувреме, а предност на Работнички му носи Аиме Гандо во 60-тата минута. Пет минути подоцна Али Регба зголеми на 3:1, а истиот играч по втор пат се запиша во стрелците и во 76. минута го постави конечниот резултат.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.