Орландо благодарение на тројката на Франц Вагнер на 2,5 секунди до крајот на натпреварот дојде до победа од 118-119 на гостувањето кај Лос Анџелес лејкерс. За домашните кошаркари ова беше прв пораз на свој паркет сезонава и ја прекинаа низата од шест победи по ред. Лејкерс ужасно шутираа слободни фрлања во последнaта минута, а Ентони Дејвис промаши вкупно четири од обиди од линијата и плус последниот шут на натпреварот со звукот на сирената.
Дејвис беше најефикасен со 39 поени, додека Џејмс имаше 31 поен со 10 скока. Франц Вагнер го заврши натпреварот со 37 поени и 11 асистенции кај Меџик.
На останатите натпревари Сан Антонио пред своите навивачи славеше против Јута со 126-118, Торонто беше подобар од Минесота со 110-105, а Шарлот го победи Детроит со 123-121.
