Македонската фудбалска репрезентација падна за една позиција и се наоѓа на 69. место на најновата ранг-листа на Меѓународната фудбалска федерација (ФИФА) објавена денеска.
Македонската репрезентација минатиот месец одигра два контролни натпревари, против Молдавија (1-1) и Црна Гора (0-1), кои придонесоа „црвено – жолтите‘ да се спуштат едно место на ФИФА рангирањето со 1.1354,19 бодови.
Најдобрите светски фудбалски репрезентации и понатаму ги предводи актуелниот првак Аргентина. Франција е втора, додека Белгија ја потисна Англија од третата позиција.
Следното рангирање на ФИФА ќе биде објавено на 20 јуни.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.