Трет ден средба на делегатите на земјите членки и поддржувачи на ОБСЕ на Министерскиот совет кој годинава се одржува во Скопје… За денеска планирани се три настани на теми: „Млади и граѓанско општество“, „За луѓето и влијанието на теренските операции на ОБСЕ во 2023 година“ и „Зачувување на плурализмот, безбедност на новинарките“.
Министерскиот состанок започна со неформална вечера на повеќето министри, каде доминираше темата за воената агресија врз Украина и потребата од функционална Организација во време на конфликти и зголемени тензии. За време на официјалниот дел вчера учество зеде и рускиот шеф на дипломатијата. Тој за прв пат по руската воена агресија врз Украина е во земја-членка на НАТО… Во жесток говор констатираше дека ОБСЕ е на работ на пропаст, и обвини дека западните држави ја загрозиле иднината на организацијата… Лавров подели критики и замина од салата, останатите делегати со реакција дека рускиот министер го злоупотребил самитот за да манипулира… Ваквиот настап на Лавров, некои го толкуваат и како дипломатска победа на Русија…