Загрижувачки податоци за годината која изминува, се забележува пораст на родовата дискриминација, дискриминација врз жените, особено врз интерсекциски идентитети на жени како што се жените од рурални средини, жени Ромки, трансродови жени кои се постојано мета на говор на омраза, на дезинформации, на клевети, апелираат од Коалицијата Маргини.
-Оваа година бележиме пораст на антиродовите движења меѓу кои Македонската православна црква беше една од гласноговорниците против родова еднаквост, против правата на ЛБТИ луѓето и гледаме дека властите се под влијание на овие движења, кои немаат ниту експертиза ниту се запознаени со националното законодавство и меѓународните обврски на државата во однос на унапредување на родовата еднаквост. Од тука гледаме состојба во која е неизвесно дали и како ќе се донесе Нацрт -законот за родова еднаквост и комплетно веќе немаме ниту политичка волја за донесување на измените на Законот за матична евиденција со кое што требаше да се уреди правното признавање на родот што значи и неисполнување на меѓународните обврски и неспроведување на пресудата во Стразбур – Драгана Дрндаревска, Коалиција Маргини.