По елиминацијата на Ига Швјонтек во осмина финалето од УС Опен, Ирина Сабаленка од следната недела ќе застане на лидерската позиција на ВТА листата.
Дваесет и пет годишната тенисерка од Белорусија ќе биде 29-тата во историјата која успеале да се искачи на првото место.
Сабаленка ќе биде втората Белорусинка која ќе се најде на челната позиција откако најдобра меѓу дамите беше Викторија Азаренка, а потоа нејзиното место го заземаа Ешли Барти и Швојнтек.
Претходно Сабаленка во 2021 година беше лидер и во конкуренција на двојки и таа е само осмата тенисерка по Мартина Навратилова, Аранча Санчез Викарио, Линдзи Девенпорт, Мартина Хингис, Ким Клајстерс и сестрите Венус и Серена Вилијамс кои во текот на кариерата биле лидерки во двете конкуренции.
Сабаленка во досегашниот тек од кариерата има 13 ВТА титули во поедничена конкуренција и настап во 23 финални натпревари.
ФОТО: Игор Паневски