Најдобрата македонска тенисерка Лина Ѓорческа со победа го отвори настапот на ИТФ турнирот во германскиот град Хехинген што се игра за награден фонд од 60.000 долари.
Таа во првото коло во меч што траеше 2 часа и една минута во три сета со 4:6, 6:3 и 6:3 ја совлада Тена Лукас од Хрватска.
Ѓорческа која на турнирот е поставена за седма носителка во следната рунда ќе се соочи со Бугарката, Гергана Топалова која во првото коло беше слободна.
Македонската тенисерка ќе настапи и во игра двојки каде заедно со Алена Фомина Клоц е поставена за трета фаворитка, а во првото коло за противнички ги имаат Маријана Дражиќ од Хрватска и Анита Вагнер од Босна и Херцеговина.
А на ИТФ турнирот во Нови Сад место на главниот турнир обезбеди Горазд Србљак кој во првото коло ќе се соочи со домашниот тенисер Никола Јовиќ кој настапува со покана на организаторот.
ФОТО: Игор Паневски