Пред пратениците во Собранието денеска на дневен ред на брза лента ќе се најдат измените на 9 закони поврзани со изградбата на делниците од коридорите 8 и 10д што треба да ги гради конзорциумот Бехтел и Енка.
Во законите потпишани од пратеници на ДУИ, СДСМ и Алијанса скратената постапка се оправдува со само една реченица – дека се работи за обемен и сложен закон… Ова предизвика бурни реакции кај дел од стручната јавност, а токму скратената постапка е мегу најспорните работи за невладиниот сектор.
На листата на денешната седница треба да се менуваат законите за земјоделско земјиште, експропријација, заштита на културно наследство, урбанистичко планирање, минерални суровини, работни односи, за шумите и за градење но и самиот закон со кој без тендер му се овозоможи на американско-турскиот конзорциум да ги гради коридорите 8 и 10Д…
Со законските измени се предвидуваат ослободување на инвеститорот од одредени даноци… Да не се чека експропријацијата да стане правосилна туку доволно е одуката да стане конечна… Во законот за работни односи мегу другото ќе се овозможува прекувремената работа да трае и подолго од осум часа во текот на една недела, повеќе од осум часа во просек неделно во период од три месеци и повеќе од 190 часа годишно.