Премиерот Ковачевски и министерот Бектеши со пазарните инспектори повторно на терен. Овој пат ги контролираа јајцата и оризот, но фрлија око и на цените на другите производи кои се под мраз. Ковачевски повторно испазари, Бектеши пак само разгледуваше. Се соочија и со пензионерите. Го прашаа премиерот како со пензијата да го поминат месецот, а му се пожалија и дека со намалувањето на цените за неколку денари, нема да и се промени живеачката.
Освен за животнот стандард продискутираа и за спортот.
По проверката, најавија дека по цените на јајцата и оризот, од утре под мраз одат и оние на хигиенските производи, а највероајно тоа ќе се случи и со цените на неколку видови овошје и
Генерално владините одлуки трговците ги почитувале. За неколку дена пазарните инспектори направиле околу 500 тини контроли. Констатирани се 6 прекршоци. Директоро на ДПИ иако најави дека јавно ќе бидат објавени имињата на оние кои не ги почитуваат одлуките, сега ги замоли новинарите за трпение.
Ова не е прв пат премеирот Ковачевски и министерот Бектеши да направат проверка на замрзнатите цени во маркетите. Премиерот рече дека ќе продлжи со оваа пракса. Сакал на лице место да ги види цените и можностите за намалување.
Минатата недела падна одлука под мраз да се стават и цената на јајцата и оризот. Претходно тоа се направи со тестенините, млекото и млечните производи, а на 33 денари се ограничи и цената на белиот и полубелиот леб. И додека Владата се обидува да го поевтини пазарењето, претходно и од ССМ и дел од експертите посочија дека со замрзнувањето се доцни. Тоа требало да се напрваи уште лани кога тие почнаа да растат.
Ирена Чачкова