Две или две и пол минмални плати? Колку тежи минималната синдикална потрошувачка. Владата и Синдикатот со различни пресметки и суми. За едните е 43 илјади денари за другите над 50 илјади денари. Во секој случај по ниту една пресметка две минимални плати не го задоволуваат основниот минимум на едно четиричлено семејство.
Според министерот за економија, Крешник Бектеши, ССМ од август минатата година вметнува уште една ставка – трошоци за живот или инфлација иако во пресметките веќе е пресметата.
Наместо да се објаснува со ССМ, Владата треба да работи на подобрување на стандардите за живот на работниците и намалување на инфлацијата. Методологијата за пресметка е 12 година иста, велат од ССМ.
Пресметките на Владата се дека во моментов се потребни нешто над две минимални плати за да се покрие минималната потрошувачка кошничка и дека очекуваат од наредниот месец целосно да ја покријат.
Од ССМ се децидни дека минималната потрошувачката кошничка е онолку колку што е потребно да преживее едно четиричлено семејство, а не да има достоинствен живот или да може да бира каква храна, или облека ќе купи.
Со последната одлука на Владата минималната плата се зголеми на 20.175 денари а од ССМ пак апелираат дека сите плати мора да го следат темпото на инфлацијата.
Огнен Чанчаревиќ