Вести Економија Магазин

Мобилните телефони ќе може да се користат на авионските летови, не се опасни за пилотите и апаратите

Првите безбедносни тонски пораки кои ги слушавте по заземањето на местото во авионоѕ беа предупредувања до патниците да ги врзат појасите и да ги исклучат мобилните телефони.

Но наскоро нема да биде така и телефоните ќе може да се користат слободно за време на летот исто како што можеа да ги користат лап топ компјутерите и таблетите.

Европската комисија им дозволи на авиокомпаниите да ја обезбедат 5Г технологијата во своите авиони, вклучувајќи го интернетот.

Тоа значи дека патниците веќе нема да мора да ги подесуваат своите телефони на авионски режим додека летаат, но засега е нејасно како ќе се спроведе тоа.

Крајниот рок за земјите-членки да ја овозможат 5Г фреквенцијата во авионите е 30-ти јуни 2023.

На тој начин, патниците ќе можат слободно да разговараат на мобилните телефони додека се во воздух и да користат апликации за стриминг на музика и видео.

-Овој план ќе им овозможи иновативни услуги на патниците и ќе го помогне растот на европските компании. Небото веќе не е граница кога станува збор за можностите што ги нуди супербрза конекција со висок капацитет, изјави еврокомесарот за внатрешен пазар Тјери Батон.

Извршниот директор на британскиот одбор за безбедност во авио сообраќајот Даи Витингем за BBC рече дека претходно за време на летовите се барало да се исклучат телефоните затоа што не било познато како мобилните влијаат врз апаратурата во авионите.

5Г мрежата делувала на фреквенции кои не го попречувале летањето, истакнал Витингем.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Вонредна прес конференција на ДИК: Апел до избирачките одбори да се придржуваат до правилата за две ливчиња

Дејан Дејан

МВР и Јавното обвинителство со оценка дека изборниот ден минува без посериозни инциденти

Дејан Дејан

Со закачена слика на Тито во поранешна продавница се гласа во Велешко Дуротовец

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе