Иако се очекуваше на денешниот економски совет во владата да биде усвоен пакет економски мерки за помош на стопанството и граѓаните, тоа не се случи.
Рокот поставен од стопанствениците беше до денешниот ден, најавувајќи дека во спротивно голем број претпријатија ќе мора да бидат затворени.
Но, наместо пакет мерки, бизнисот и владата се договорија да донесат мерки најдоцна до идната среда или до крајот на оваа недела. Бизнис секторот и синдикатите, како и на претходните средби ги предложиле своите барања.
Иако и претходно ги претставиле, овој пат тие се проширени. Се бара намалување на цената на електричната енергија, односно освен замрзнување на маржите на трговците со струја, да бидат донесени и други мерки и помош за компаниите кои произведуваат основни производи, кои во минатиот период значително поскапеа.
Свои барања, со зголемена листа овој пат, имаат и од Сојузот на синдикатите, кои бараат повторно враќање на платежната картичка за купување основни производи. Бараат мерки за ублажување на ценовниот шок, оценувајќи дека во спротивно работниците нема да може да ги издржат цените кои постојано растат.
И Синдикатот и работниците остануваат сега во неизвесност, се надеваат на мерки до среда.