Следните два дена клучни за парното греење. Ако до среда Aдора и ЕСМ не потпише договор за закуп на топланите Исток и Запад, државата преку уредба за кризна состојба ќе ги задолжи државните електрани да ги преземат истите. Иако, пред самиот старт на новата грејна сезона има низа проблеми, од ЕСМ за Телма велат дека откако целосно ќе го преземат парното греење, на располагање ќе бидат ставени сите капацитети и ресурси, за на 15 октомври граѓаните добијат парно греење.
Од Адора во чија сопственост се овие две топлани, прифаќаат договор за закуп, но само ако на компанијата и бидат исплатени сите обврски направени по основ на закуп и амортизација.
- Станува збор за досегашните обврски направени по основ на закуп и амортизација, што и следуваат на Адора, според Закон, а кои ги утврдува Регулаторната комисија за енергетика. Во спротивно надлежните институции можат да ги употребат членовите 6 и 33 од Законот за енергетика и Законот за управување со кризи, кои ги имаат на располагање. Од Адора инженеринг потенцираат дека нема да бидат пречка, ниту ќе бидат алиби за неблаговремено производство на топлинска енергија во градот Скопје, се вели во дописот од Адора.
Уште едне проблем е и тоа на што ќе работат топланите и како ќе поризведуваат топлинска енергија. Се уште нема конкретни одговори од каде и кога би се испорачале потребните количини на гас потребни и за топланите исток и запад, но и за работењето на ТЕТО. Од ЕСМ појаснуваат дека како замена за гас и мазут , се разгледува и опцијата топланите да да работат на дизел гориво. Објаснуваат дека подостапен е од гасот, а во односн на мазутот помалку загадудва и е поевтин.
Според правилата, доколку пред 15 октомври, просечните температури бидат 12 или под овој степен, парното греење мора да се вклучи.
Градско парно користат околу 60 илјади домаќинства.