Светниколско станува „Мека“ за зелена енергија. Советот на Општина Свети Николе е затрупан со барања од инвеститори кои сакаат да градат фотонапонски централи, но земјоделците од Овчеполскиот регион порачаа дека не смее да се дозволи на плодното земјиште да се постават фотоволтаици. Освен производството на струја, потребно е и да се внимава да не се загрози производството на храна.
Светниколскиот градоначалник, Дејан Владев вели дека на секоја седница на Советот имаат барања од инвеститори за поставување на фотоволтаици. Само на последната седница од девет одбиле седум барања. Ставот на локалната власт е да се одобруваат барања за фотоволтаици на земјиште кое под четврта класа, се внимава и дали има и системи за наводнување.
Според анализите на локалната власт 15 фирми имаат поставени фотоволтаици, а се протегаат на 15 хекатри. Во постапка се и дополните 15 хектари земја, на кои ќе се произведува струја од сонцето.
Викторија Димитрова Јованова
