Енергетика и начинот на кој би можела Македонија да купува струја од Бугарија, а да не се прекршат ЕУ легислативите беше темата на билатералните, а потоа и трилатералната средба меѓу претседаелот Стево Пендаровски, бугарскиот претседател Румен Радев и претседателката на Eвропската комисија, Урсула фон дер Лајен.
Бугарија е подготвена да испорача електрична енергија на Mакедонија, но проблемот е во фактот што како членка на Унијата должна е сите вишоци на струја да ги продава преку слободниот пазар. Таа цена е далеку повисока од онаа која Македонија е подготвена да ја плати, а се движи во рангот од околу 200 евра, па затоа претседателот Пендаровски побарал на средбата да се најде начин и да се стават во погон кризните фондови на Унијата, како оние за Ковид пандемијата, преку кои би се надополнила разликата во понудената и бараната цена. Сепак претседателот без прецизна временска рамка кога би можело да пристигне одговор.
Претседателот Пендаровски денеска се обрати и на свеченоста по повод ставење во функција на интерконекторот меѓу Бугарија и Грција и побара помош од ЕУ за што побрзо да се приклучиме на мрежата и да може да го користиме гасот кој жего испорачува Азербејџан
Интерконекторот отвара и можноста за Македонија доколку има согласност од Азербејџан Бугарија да отстапува дел од количините кои ќе и бидат испоарачани.
Инаку заедничка оцена на денешната свеченоста на кој присуствуваа претседателите на Азербејџан, Србија, Грција и премиерот на Романија како и претседателката на ЕК е дека е голем исчекор во диверзификација на пазарот и ослободување од руската зависност од овој енергенс.
Капацитетот на интерконекторот во моментов инесува 3 милирајди кубни метри гас кој пристига од изворите во Каспискиот басен а со завршување на терминалот Александрополи идната година каде што Македонија има 10 отсто и осигурани 500 милиони кубни метри гас ќе се зголеми на пет милијарди кубни метри што ќе влијае врз ослободување од зависноста од гасот од Русија.
Огнен Чанчаревиќ