За 10 отсто повисока цена на лебот, брашното и печивата до крајот на ноември најавуваат мелничарите ако владата не им ја субвенционира цената на струјата или не ги додаде во регулираниот пазар. Со сегашната цена, велат,трошоците им се зголемени за 500 пати.
Скапата струја е главната причина за поскапувањето, но и растот на берзанските цени на пченицата. Од годинешната жетва цената на француската берза е зголемена за околу 10 отсто, а и зголемувањето во Србија е исто така 10 проценти.Но, на тоа не може да се влијае, затоа што нашите компании се зависни од увоз, особено годинава кога има историски гледано најмал откуп внатре во државата.
Мелничко-пекарската групација своите барања минатата недела ги испрати до Владата и ресорните министерства, но засега немаат одговор. Идната недела очекуваат средба на повисоко ниво, на која се надеваат дека ќе се постигне договор што ќе го спречи новиот ценовен шок.
Далиборка Демјанска Цветановска
