Властите во Данска и Швеска објавија денеска предупредувања за за безбедноста на морскиот сообраќај, откако беа пријавени истекувања на гас од гасоводите Северен поток 1, кој официјален Кремљ го затвори целосно на недефиниран временски период како одмазда за западните санкции, и гасоводот Северен Поток 2, кој беше замрзнат пред почетокот на руската инвазија на Украина и никогаш не доби дозвола за работа.
Премиерката на Данска, Мете Фредериксен изјави дека засега не може да се исклучи саботажата како можна причина за истекувањата.
„Има три истекувања и затоа е тешко да се замисли дека тоа е случајност“ – изјави Фредериксен.
Европската комисија потврди дека е во контакт со земјите засегнати од истекувањата на гасост, но засега не сака да шпекулира за причината за овие инциденти.