Владата на Србија донесе Регулатива со која се пропишува новата максимална малопродажна цена на млекото.
Па така млекото со 2,8 отсто млечна маст од денеска ќе чини 128,99 динари (односно 1,10 евра).
Српската владата го промени и профитот или маржата на производителот – максималната трговска маржа за сите видови млеко е намалена од 12 на 5 проценти.
До 30 септември е воведена забрана за извоз на свежо млеко и одредени млечни производи.
Во продавниците во Србија нема млеко или го има во многу помали количини. Тоа пред се се однесува на долготрајното млеко во пакување од еден литар и млечна маст 2,8 отсто.
Од Стопанската комора на Србија велат дека ова е краткорочно нарушување на пазарот и ги повикуваат граѓаните да купуваат колку што им треба, бидејќи доколку не трупаат залихи снабдувањето е стабилно.
Претседателот Вучиќ во петокот на Самитот „Отворен Балкан“ којшто се одржа во Белград рече дека забраната за млекото и млечните производи нема да важи за Македонија и Албанија.