Кевин Магнусен ќе биде замената за Никита Мазепин во болидот на Формула 1 тимот. Хаас. Договорот на рускиот возач беше раскинат изминатиот викенд, а тимот ја прекина соработката и со главниот спонзор Уралкали, каде еден од челниците е токму таткото на Мазепин.
Магнусен добро го познава тимот на Хаас, бидејќи возеше во овој болид четири сезони од 2017 до 2020 година. Следната сезона ќе му биде партнер на младиот Мик Шумахер. Хаас имаше и други опции, но поради добрата соработка со Данецот изминатите години реши да му го понуди испразнетото место. Магнусен во својата кариера возеше и во Рено во 2016 година, а претходно една сезона беше дел и од Мекларен.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.