НОРАД, американската воена агенција која го брани небото над Северна Америка, продолжува со својата традиција за следење на божикното патување на Дедо Мраз со кое ги разделува подароците ширум светот и покрај пандемијата Ковид-19.
НОРАД им овозможи на американците но и луѓетот од целиот свет да го следат глобалното патување на Дедо Мраз преку вебсајтот норадсанта точка орг, социјалните медиуми , како и мобилната телефонска апликација.
Исто така ангажирани се и стотици волонтери кои одговараат на телефонските повици од децата кои сакаат да знаат каде се наоѓа Дедо Мраз и кога може да го очекуваат својот подарок.
Меѓу нив беа и американскиот претседател Џо Бајден и првата дама на САД, Џил Бајден.
Празничната традиција на НОРАД за следење на Дедо Мраз започната 1955-тата година кога едно дете по грешка за јавило во воена команда во државата Колорадо, која следела знаци за можен нуклеарен напад, и побарало да зборува со Дедо Мраз.
“Топлината од носот на Рудолф остава инфрацрвени белези кои може да ги следиме со нашите сателити и може да знаеме кога тој полетува и да го следиме во текот на летот низ светот. Потоа, кога тој ќе дојде во Северна Америка, го поздравуваме со нашите борбени авиони, му велиме: “Здраво, мило ни е дека те гледаме повторно годинава”. И тој продолжува по својот пат и ги дели подароците” – изјави Престон Шлахтер, раководителот на програмата на НОРАД за следење на Дедо Мраз.