Пет фирми кои ги снабдуваат домашните компании на слободниот пазар со електрична енергија до крајот на неделава ќе се најдат на црната листа на Регулаторна. Комисијата ќе поведе прекршочни постапки за нив, а ќе покрене и постапка за одземање на нивните лиценци. Поради високиот скок на цените на светските берзи, снабдувачите почнале да ги раскинуваат пред време договорите со домашните компании, а се обидувале и да фактурираат по нови цени.
Помош од Регулаторна побарале десетина компании. Бислимоски вели тоа што ќе ги објавуваат нивните имиња на Црна листа е со цел да ги предупредат компаниите кои снабдувачи не го исполнуваат договореното. Вели дека разбира дека и снабдувачите имаат проблем, бидејќи бугарските компании им ги раскинале договорите поради енормниот скок на цената на струјата на берзите, но вели мора да го почитуваат договореното.
Првиот човек на Регулаторна уверува дека цената за домаќинствата останува стабилна, бидејќи е регулирана. А во момнетов се активни 13 снабдувачи за потрошувачите на слободниот пазар.
Александра Филиповска
