По повлекувањето на Горан Пандев, Стефан Ристовски ќе ја носи капитенската лента во националниот тим. Дуелот против Ерменија што ќе се одигра утре на арената Тодор Проески ќе биде првиот дуел на кој Ристовски ќе ја носи лентата во овој циклус од квалификациите за Светското првенство.
“Сакам да се заблагодарам јавно на капитенот Пандев и треба да ни биде пример како да се продолжи репрезентативниот пат. Се надевам дека ќе го испратиме на вистински начин. Голема чест за мене е што сум капитен на оваа репрезентација и благодарност до селекторот што ми ја даде довербата. Но, јас ќе кажам дека сите треба да бидеме пример како се носи дресот и да даваме максимум за својата држава. Фудбалот е веќе до степен да немаме многу време за размислување, кратко време за подготовки, три натпревари, имаме промени во составот, но доволно сме професионалци да продолжиме каде што застанавме. На теренот нема поделба на стари и млади. Сите треба да одговориме на предизвикот. Без разлика на промените и фактор дека доаѓаме од ЕП и мислам дека треба да гледаме позитивно и тоа да ни биде поттик за уште подобри резултати”, истакна новиот капитен на репрезентацијата, Ристовски.
ФОТО: Игор Паневски