Италија ја совлада Англија на пенали со 3-2 на пенали во финалето на Европското првенство на „Вембли“ во Лондон, откако натпреварот заврши со 1-1 по 90, односно 120 минути.
Џанлуиџи Донарума беше херој на „аѕурите“, кој успеа да одбрани два пенали на Џејдон Санчо и на Букајо Сака во петтата серија.
Натпреварот стартуваше бомбастично за домашната селекција, бидејќи во 2.минута, Лук Шо погоди со волеј по одличниот центаршут на Киран Трипие.
Италија потоа доминираше на „Вембли“, а Леонардо Бонучи го постигна израмнувачкиот погодок во 67.минута од натпреварот.
Во пенал-рулетот, Белоти не реализираше за Италија во втората серија откако Доменико Берарди погоди, а кај Англичаните прецизни беа Кејн и Мегваер. Потоа „Гордиот албион“ не погоди во последните три пенали, а не реализираа Рашфорд, Санчо и Сака, додека Бонучи и Бернардески беа прецизно, но не и Жоржињо.
За Италија ова е втора европска титула во својата историја, а прва по 1968 година.