Ниту зголемувањето на бројот на заболени и заразени од Ковид 19 не ги поколеба Социјалдемократите да го одложат гласањето кое е закажано за 21 март а на кое треба да се гласа за единствениот кандидат Зоран Заев. Ќе гласаат околу 80 000 граѓани во 80 општини ширум земјата. Гласањето ќе биде во партиските простории со електронски картички од 8 до 19 часот. Во општинската организација во Штип се пријавиле 2500 лица.
Партијата уверува дека целиот изборен процес ќе биде безбеден и нема основа од паника и стравување.
Ова ќе бидат први внатрепартиски непосредни избори во СДСМ. Зоран Заев нема противкандидат. Тој во недела ќе побара подршка од членството за нов трет мандат. Новите органи на партијата ќе се бираат на конгресот на 16 мај.Заменик претседателот ќе биде именуван лично од Заев а ќе се бира и нов состав на Централен и надзорен одбор.
Јулијана Пешевска
