Антикорупциската ќе се проширува. По долги години чекање, ДКСК доби простор во зградата спроти МНР, антикорупционерите ќе го заземат местото зад и околу видео бимот на вториот, третиот и 4-от кат, со што значително е намален просторот внатре. Тука претходно било планирано да се пресели Факултетот за драмски уметности, но поради несоодветниот простор за школување на нови актери и режисери, драмски се откажал. На нивно место ќе се преселат антикорупционерите и ќе станат комшии со финансиската полиција и финансиското разузнавање. Подготовките за селење се почнати.
Одлуката е донесена на вчерашната седница, а владата по критиките што првично планираниот простор го даде на новото Министерство за политички систем, со задоцнување ја исполни задачата и потребата за поуспешна антикорупциска борба. Втор проблем е софтверот кој треба да ја поврзе ДКСК со 17 институции за проверка на имот на функционерите за да се увиди дали имотот им е соодветен на платите. Тендерот е распишан, но ќе треба време за ефикасна врска.
Она што недостасува во државата е и закон за потекло на имот- кој пратениците и функционерите успешно не го носат со години, а во недостаток на таков закон нема ефикасни мерки за да се утврди дали имотот на функционерите е стекнат законски или криминално и со корупција. За тој закон е разговарано на денешната средба на независните антикорупцинери со владиниот антикорупционер. Дополнителен проблем останува и што одлуките на ДКСК, фатените функционери ги обжалуваат на Управен суд каде главно губат антикорупциските одлуки. Овој управен упад во системот за антикорупциската борба се уште е активен и се користи.
Миомир Серафиновиќ