ВМРО-ДПМНЕ се подготвува за собирање потписи за поништување на Законот за попис. Потписите ќе се собираат преку подрачните одделенија на Министерството за правда веднаш по објавувањето на законот во Службен весник. Во тек е и електронска петиција за да се подигне свеста кај власта за последиците од најголемата статистичка операција. Обвинуваат за фингиран попис кој ќе биде резултат на политички пазарења на СДСМ и ДУИ.
Социјалдемократите го повикаа ВМРО-ДПМНЕ да престане со неразумните блокади, порачувајќи им да не се плашат затоа што пописот ќе бил успешен.
Расправата во Собранието за Законот за попис заврши вчера и се очекува во текот на идната недела владејачкото мнозинство да обезбеди мнозинство за гласање од 61 пратеник. Најголемата статистичка операција ќе ја чини државата 8,5 милиони евра а резултатите ќе бидат објавени 6 месеци по завршување на целиот процес.
Јулијана Пешевска