За дел од владејачкото мнозинство се неприфатливи предлог измените поднесени од пратеничката група Алијанса на Албанците – Алтернатива со кои се предлага државјаните од поранешните југословенски републики, кои до независноста 1991 година живееле во Македонија, да може да добијат македонско државјанство само со изјави од тројца сведоци. СДСМ се согласува законот да влезе во собраниска процедура по скратена постапка, но не со таков текст. Ќе поднесат со цел да се реши деценискиот проблем со кој се соочуваат некои граѓани.
Демократскиот сојуз предупредува дека со ваквото законско решение 70.000 граѓани ќе добијат државјанство во пресрет на пописот.
Предлагачите сметаат дека целта на измените е да се овозможи рамноправност на сите граѓани а со тоа ќе се регулира статусот на оние кои 30 години се без документи.
Со измените се предлага, еден од условите за добивање државјанство да биде лицето да владее најмалку еден од службените јазици во замјата а државјанство да добијат и потомците на иселениците. Законските измени се поврзани со престојниот попис за да се прикаже бројот на населението, домаќинствата и становите.
Јулијана Пешевска