Владејачкото мнозинство утре ќе се обиде да обезбеди 62 пратеника за да може да се изгласа одлуката за продолжување на кризната состојба за 6 месеци. ВМРО-ДПМНЕ нема да даде подршка затоа што смета дека нема никакви ефекти за функционирање на системот од досегашната кризна состојба. На пленарна седница ќе се расправа и за буџетот за 2021. Гласањето и за него е неизвесно. Најголемата опозициска партија обвинува дека нивните амандмани не биле прифатливи од власта и затоа нема да дадат подршка.
Владејачкото мнозинство е подготвено да работи деноноќно дури и за викендите.
Со илјадници амандмани се блокирани Деловникот и законите кои се однесуваат на пензионирањето. Бокирана е работата и на голем број комисии чии претседатели не ги закажуваат седниците за одредени закони. СДСМ и ДУИ ќе побараат од собранискиот спикер Талат Џафери тој да ги свика комисиите за да може законите да се проследат во натамошна процедура.
Јулијана Пешевска
