Бугарската потпретседателка Илијана Јотова, на средбата со амбасадарот на кралството Белгија, Фредерик Морис, го повторила ставот дека не верува дека до крајот на германското претседателство со ЕУ ќе биде надминат проблемот со нерешените прашања со Македонија.
“Нашата грешка е дека не успеавме доволно да им ја објасниме на европските партнери својата национална позиција” – соопшти кабинетот на Јотова, од каде додаваат дека таа посочила дека Бугарија нема да дозволи суверенитетот и националниот идентитет да се градат на грбот на бугарската историја.
Според Јотова, потребно е добро да се познава балканската историја, за да може да се сфати позицијата на нејзината држава.
Потпретседателката на Бугарија пред бугарскиот амбасадор ги претставила и црвените линии формулирани на консултативната средба со претседателот Радев минатата година, рамковната позиција на бугарската влада и декларацијата донесена од Националното собрание, убедувајќи го истовремено дека официјална Софија била најголемиот лобист за членството во ЕУ на балканските земји.
