Македонскиот претставник во ракометната Лига Европа, Металург денеска отпатува за Франција каде утре од 20:45 часот ќе го одигра првиот дуел од фазата во групи против Тулуз.
Нашите ракометари ги очекува долг пат, поради лошите авионски врски со Тулуз, Металург од Белград преку Париз ќе пристигне во францускиот град каде вечерва треба да го одржи единствениот тренинг.
Тренерот Зоран Кастратовиќ за овој меч нема да може да смета на Мартин Серафимов кој има позитивен тест на коронавирус и тој остана во Скопје.
Вториот претставник од Македонија во ова натпреварување, Еурофарм Пелистер во првото коло ќе паузира откако натпреварот со Татабања е одложен поради позитивни играчи на Ковид-19.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.