Вардар втора недела по ред нема игра натпревар во Лигата на шампиони, бидејќи по дуелот со Елверум во Скопје, сега официјално одложена е и пресметката со Пик Сегед во Унгарија.
Натпреварот помеѓу Пик Сегед и Вардар требаше да се игра во четврток со почеток во 18:45 часот во рамки на 3.коло од Групата А. Истиот е одложен поради тоа што во редовите на унгарскиот тим се појавија вкупно седум случаи на Ковид-19. Последниот позитивен ракометар беше откриен по мечот со Кјлеце во средата.
„Црвено-црните“ не играа натпревар ниту минатата недела, кога во Скопје требаше да гостува Елверум. ЕХФ го одложи мечот, бидејќи норвешкиот тим по враќањето од Македонија ќе мораше да биде во 14-дневен карантин поради строгите ковид-протоколи во нивната земја.
Вардар досега одигра само еден натпревар во ЛШ сезонава и тоа на гости против Брест Мешков, кога загуби со 24-22 во рамки на 1.коло.
