Ракомет Спорт

Стоилов позитивен на Ковид-19: Целиот тим на Вардар повторно тестиран

Капитенот на Вардар, Стојанче Стоилов е позитивен на Ковид-19. Целиот тим на Вардар веднаш се тестираше и се чекаат резултатите дали има и други ракометари со коронавирус. Пикерот се чувствува добро и нема симптоми.

Од таборот на Вардар се надеваат дека вирусот не се проширил меѓу останатите ракометари, бидејќи така би било доведено во опасност одигрувањето на натпреварот против Нексе во СЕХА. За четири дена регионалниот и европскиот шампион треба да го пречека хрватскиот тим во борба за пласман на завршниот турнир во Задар. На првата средба одиграна во март, пред прекинот на сезоната поради Ковид-19, Вардар славеше во Нашице со 31-30.

Целиот тим на Вардар повторно е тестиран на вирусот, а денеска треба да бидат објавени и резултатите. Клубот веднаш ги информирал луѓето од СЕХА-лига за случајот на Стоилов, но и тимовите со кои играше пријателски натпревари изминатиот период.

Вардар претходно два пати се тестираше за Ковид-19, еднаш на стартот на подготовките и вториот пат пред почетокот на турнирот во Струга и тогаш немаше ниту еден позитивен случај.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Албанската фудбалска федерација се извини за однесувањето на Даку

Дејан Дејан

ФОТО галерија: Заврши првиот мундијалски круг во Скопје, почнува битката за пласман

Дејан Дејан

ФОТО галерија: Триумф против Ангола за пласман на Македонија во главната рунда на СП

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе