Џошуа Чептегеи од Уганда на митингот од Дијамантската лига триумфираше во трката на 5000 метри и го собори 16 години стариот светски рекорд на Кенениса Бекеле од Етиопија.
Дваесет и три годишниот атлетичар од Уганда на целта пристигна со време од 12 минути 35 секунди и 36 стотинки и за секунда и 99 стоти дела го подобри досегашното постигнување на Бекеле забележано на митингот во Хенгело во 2004 година.
Чептегеи е актуелен светски првак на двојно подолгата делница, а добрата форма успеа да ја одржи во текот на паузата бидејќи пред прекинувањето на сите активности постигнуваше извонредни резултати.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.