По два последователни Милвоки успеа да го совлада Вашингтон и да се зацврсти на првото место на Истокот. Портланд славеше во дуелот против Далас и повторно има минимална предност во однос на Феникс во трката за пласман во разигрувањето за шампионската титула.
Милвоки триумфираше над Вашингтон со 126:113. Брук Лопез имаше учинок од 24 поени и три скока, Стерлинг Браун додаде 23, а Френк Мејсон беше стрелец на 19 поени.
Во поразениот тим Ричи Халимура забележа 20 поени и пет освоени топки под обрачите додека Иш Смит мечот го заврши со 19 поени и пет асистенции.
Портланд го совлада Далас со 134:131. Демијан Лилард забележа 61 поен и осум додавања, Кармело Ентони мечот го заврши со 26 поени и осум скока додека во составот на Далас, Кристапс Порзингис имаше 36 поени и шест освоени топпки додека Лука Дончиќ имаше учинок од 25 поени и 10 асистенции.
Во останатите натпревари Сакраменто – Њу Орлеанс 112:106, Бостон – Мемфис 122:107, Феникс – Филаделфија 130:117 и Хјустон – Сан Антонио 105:123.