Под итно и по скратена постапка да се промени законот бараат невладината ЕХО и бранителката на 22 годишната девојка која во јануари беше брутално претепана, а двајцата насилници го снимаа своето дело на мобилен телефон. Тие деновиве излегле од кумановскиот затвор и на слобода ќе бидат до септември. Адвокатката Билјана Андонова вели дека ова ја покажува слабоста на законот.
-
Ние како правен тим и здружение ЕХО ќе бараме од државата во законите целосно да се имплементира Истанбулската конвенција за заштита од насилство. Овој предмет изнесе една очигледна слабост, што ние ќе бараме да се промени, вели Билјана Андонова адвокат на жртвата
Штипска Апелација ја потврди пресудата на Основниот суд, со што двајцата насилници треба да поминат во затвор две години и шест месеци. Обвинителство од вторстепениот суд барал повисоки казни, а додека бранителот помали, но апелација на 25 јуни ја потврдува пресудата на првостепениот суд. Поради владината уредба со која отслужувањето на казната затвор до три години се одлага до септември, правниот тим на девојката стравува дека момчињата може да ја загрозат безбедноста на жртвата. Правниот тим на жртвата вели дека Постои и дополнителна мерка за заштита односно насилноците не смеаат да и се приближат на девојката најмлаку уште една година. Адвокатот пак на момчињата смета дека тие не би се заканувале, бидејќи со тоа би направиле ново кривично дело.
Казната затвор од две години и шест месеци им беше изречена на крајот од април, јавноста и невладиниот сектор го осудија нивниот чин.
Викторија Јованова