Луис Рубијалес, поранешниот претседател на Фудбалската федерација на Шпанија денеска бил уапсен на аеродромот во Мадрид по сомневање за примање поткуп.
Рубијалес е под истрага дека добивал огромни провизии додека преговарал богат договор шпанскиот фудбалски Супер куп да се одржува во Саудиска Арабија. Денеска бил приведен на аеродромот во Мадрид при неговото враќање од Доминиканската Република.
Пред еден месец шпанската полиција извршила претрес во неговиот дом и канцелариите на Фудбалската федерација на Шпанија. Рубијалес веднаш бил пуштен на слобода и се очекува уште утре да се појави на Суд. Обвинителството бара затворска казна од 2.5 години за Рубијалес.
Интересно ова е втор случај за кој 46-годишникот треба да се појави на Суд. Првиот е случајот за сексуален напад откако ја бакна шпанската репрезентативка Џени Ермосо за време на доделувањето на светската титула минатото лето.
Рубијалес во двата случаи ги негира обвинувањата.