Минисетрот Бектеши ако сака да креира синдикални политики треба да се зачлени во синдикат. Грешка во пресмeтката на потрошувачката кошница нема. Ова е реакцијата од ССМ, по обвинувањата на Бектеши дека во пресметката за месечната потрошувачка кошница, двапати влегува инфлацијата. Посочија дека владините престваници се добредоjдени во синдикатот, за самите да се уверат дека нема никаква грешка во калкулациите.
„Синдикалната кошница се пресметува исто повеќе од 10 години. Ако им пречи високата инфлација треба да работат на тоа. Може треба да се смени методологијата и да се внесат сите параметри кои се потребни за еден нормален живот и во тој случај таа би изнесувала околу 90.000 денари, па може би тоа пак нема да им се допаѓа“, изјави Слободан Трендафиловски од ССМ.
Министерот Бектеши, пак, рече дека ќе бара средба со синдикатот, затоа што неговите работници утврдиле грешка во пресметката на минималната синдикална кошница. Тој тврди дека е помала од 50.000 денари.
Во изминатиот период цените сериозно се покачија, а инфалцијата во одреднеи месеци достигна и до речиси 20 отсто. Откако ограничените маржи не ги дадоа очекуваните резулатите, сега се замрзнуваат цени на одредени производи. По корекциите на цените на тестенините, млекото и млечните производи, се прават анализи дали тоа може да се направи кај цените на јајцата, шеќерот и оризот. Тие се готови, но вицепремрирот Битиќи ќе ги разгледа во текот на денот. Сепак, испрати порака до трговците дека има простор зеленчуикот и овошјето да поевтинат.
Од вчера во маркетите тестенините се поевтини за 15 проценти, месото и млечните производи за 10 отсто. Сепак, од пазарен велат дека има места каде се прекршува владината одлука. Предупредија дека со контроли ќе продолжат и за време на викендот.
Ирена Чачкова