Наместо да замрзне цена на леб и да ја укине мерката за субвенционирана струја за прехранбената индустрија и пекарскиот сектор, државата треба да најде начин за дополнителна помош и подрршка или да ги превземе искуствата од околните држави. Ова е ставот на Горан Ѓорѓиевски, претседател на Агро бизнис гранката во Сојузот на Стопански комори.
Субвенционираната струја нема голем импакт во конечната цена на производот, а прехранбената индустрија, како и повеќе гранки во домашниот бизнис, се соочуваат со недостаток на работна сила и со неповолни услови за кредити, смета Ѓорѓиевски.
На ставот на министерот за економија Бектеши дека се потребни општествено одговорни компании, а не компании на кои државата ќе има плаќа струја, суровини оперативни трошоци и плати за вработените, Ѓорѓиевски е дециден – Буџетот од каде се исплаќаат платите за државниот апарат го полни реалниот сектор.
Наместо укиниување на субвенционираната струја, државата треба да ги издвои компаниите кои ја изиграле оваа мерка и да ги врати на слободниот пазар, велат од Комората.
Тој најави дека големите произведувачи на леб и прехранбени производи неделава ќе изградат став кој ќе го соопштат во јавноста.
Министерот за економија Крешник Бектеши најави дека од 1 март ќе ја замрзне цената на белиот и полубелиот леб и ќе изнесува 33 денари. Одлуката за замрзнување, според најавите, ќе се донесе на владината седница во вторник, за кога ќе треба да се донесе и конечна одлука околу укинувањето на субвенционираната струја за што тој достави предлог одлука која во моментов ја разгледуваат правни експерти, а за која е убеден дека ќе мине и како единствена дилема е дали ќе стапи на сила од 1 март или од 1 април.
Огнен Чанчаревиќ