ЕСМ набавила гас за топланите Исток и Запад за да ја почне грејната сезона во Скопје. Количините според владини извори ќе бидат доволни за 15 дена односно 3 – 4 милиони кубни метри гас. Овие количини се набавени од АД Макпетрол.
Меѓувреме владата треба да одлучи дали топланите ќе продолжат да работат на гас или на дизел зависно од тоа како ќе се движат цените на овие енергенси на светските берзи.
За сега е неизвесно и како ќе работи ТЕ – ТО, се уште се водат разговори со тамошното раководство дали компанијата сама ќе набавува гас или доколку ЕСМ согласно членовите 33 и 6 го преземе управувањето со ТЕ – ТО обврската за купување гас ќе падне на ЕСМ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.